ناراض رہنما تحریک انصاف جہانگیر ترین کی وطن واپسی 

تفصیلات کے مطابق تحریک انصاف کے ناراض  رہنما  جہانگیر ترین نے15 اپریل کو لندن سے لاہور کا ٹکٹ بک کرالیا ہے ۔

اس حوالے سے رہنما ترین گروپ عون چوہدری کاکہنا ہے کہ ڈاکٹرز نے جہانگیر ترین کو سفر کی اجازت دے دی ہے ، گروپ کے تمام ارکان جہانگیر ترین کا ایئرپورٹ پر استقبال کریں گے۔

عون چوہدری کا کہنا ہے کہ جہانگیر ترین تحریک انصاف کے تمام ناراض دھڑوں سے ملاقات کریں گے۔ وہ واپسی پر علیم خان، چوہدری سرور، اسد کھوکھر اور دیگر سے ملاقات کریں گے۔

ذرائع کے مطابق جہانگیرترین ، چوہدری محمد سرور اور علیم خان آئندہ سیاست کے لئے مشترکہ لائحہ عمل بھی دے سکتےہیں  ، ذرائع کا بتانا ہے کہ  جہانگیرترین کی شہبازشریف سے بھی ملاقات ہوگی ،جہانگیر ترین پنجاب میں متحدہ اپوزیشن کے وزارت اعلیٰ کے امیدوار حمزہ شہباز سے بھی ملاقات کریں گے ۔