گورنر پنجاب عمر سرفراز چیمہ کی پرویز الٰہی سے ملاقات

جی این این کے مطابق گورنر پنجاب عمر سرفراز چیمہ نے پرویز الہٰی سے ملاقات کی، انہوں نے اس موقع پہ چوہدری شجاعت حسین کی عیادت بھی کی۔  

 ملاقات میں نئے وزیراعلیٰ پنجاب کے انتخابات اور ملکی صورتحال سے متعلق تبادلہ خیال کیا گیا۔

اس موقع پر عمر سرفراز چیمہ نے کہا کہ تمام ارکان کے حوصلے بلند ہیں ، آخری گیند تک لڑیں گے۔  پی ٹی آئی پرویز الہٰی کو بطور وزیر اعلیٰ پنجاب سپورٹ کرے گی۔

ان کاکہنا تھا کہ پاکستان تحریک انصاف (پی ٹی آئی) کے ناراض اراکین سے رابطے جاری ہیں ۔ چوہدری پرویز الہی کی قیادت میں پنجاب اسمبلی میں وزیر اعلی پنجاب کے لیے ووٹنگ کا انتظار ہے۔ 

اس موقع پر چوہدری شجاعت حسین نے کہا کہ انشاء اللّٰہ فتح ہماری ہو گی ، ملاقات میں چوہدری شافع حسین اور چوہدری جاوید چٹھہ بھی موجود تھے۔