پولیس نے ڈپٹی سپیکر پر تشدد اور ہنگامہ کرنے والے اراکین اسمبلی کو گرفتار کر لیا

لاہور : پنجاب پولیس نے اسمبلی میں آپریشن کرتے ہوئے ہنگامہ آرائی اور ڈپٹی سپیکر پر تشدد کرنے والے تین سے چار حکومتی اراکین کو گرفتار کر لیاہے ۔

تفصیلات کے مطابق حالات کو کنٹرول کرنے کیلئے آئی جی پنجاب خود پنجاب اسمبلی پہنچے جبکہ اینٹی رائٹ فورس کو بھی تعینات کر دیا گیاہے ، اس موقع پر ایک قیدیوں کی وین بھی پنجاب اسمبلی کے باہر پہنچ چکی ہے اور بتایا جارہاہے کہ آدھے گھنٹے میں پنجاب اسمبلی کا اجلاس دوبارہ شروع ہونے کا امکان ہے ۔

یاد رہے کہ اس سے قبل 9 مارچ کو ساڑھے گیارہ بجے کے قریب وزیراعظم کے خلاف عد م اعتماد پر ووٹنگ کے معاملے میں کشیدگی کے موقع پر بھی قیدیوں کی وین پارلیمنٹ ہاﺅس پہنچائی گئی تھی ۔