عوامی نیشنل پارٹی نے حکومت کا حصہ بننے سے معذرت کرلی

تفصیلات کے مطابق عوامی نیشنل پارٹی (اے این پی) نے حکومت کا حصہ بننے سے معذرت کرتے ہوئے کابینہ کا حصہ نہ بننے کا فیصلہ کیا ہے۔

میڈیا رپورٹس کے مطابق عوامی نیشنل پارٹی کو حکومت کا حصہ بننے کے لیے گورنر خیبر پختونخوا سمیت 1 وزارت کی آفر کی گئی تھی۔

اسفندیار ولی نے کہا کہ پاکستان پیپلز پارٹی اور مسلم لیگ ن  کے مشکور ہیں کہ انہوں نے حکومت کا حصہ بننے کے لیے مدعو کیا، ہماری ترجیح روز اول سے حکومتی عہدے نہیں، عوام ہے۔

انہوں نے باقی اتحادیوں کو کابینہ میں جگہ دینے کی تجویز دیتے ہوئے کہا کہ حکومت پہلے سے مشکلات کا شکار ہے، مزید مشکلات پیدا نہیں کرنا چاہتے۔

سربراہ اے این پی نے مزید کہا کہ ہماری توجہ اس وقت پارٹی کو مزید منظم اور فعال بنانے پر ہے۔