اس وقت حکومت نہ ہونے کے برابر ہے:سراج الحق

میڈیا سے گفتگو کرتے ہوئے امری جماعت سراج الحق نے کہا کہ مرکز میں ہم تحریک عدم اعتماد اور اپوزیشن کا حصہ نہیں بنے ہمارا مقصد حکومت گرانا نہیں تھا، پی ڈی ایم کا حصہ نہیں بنے کیونکہ ہم اپنے نظریے پر کلیئر تھے۔

انہوں ن کہا کہ اس وقت حکومت نہ ہونے کے برابر ہے، حکومت کو عوام کی ترجمانی کرنی چاہیے، ہم متبادل اپوزیشن کی طرح موجود رہے ہمارا ایک ہی ایم این اے ہے جو اپوزیشن میں ہے۔

ادھر پاکستان تحریک انصاف کے چیئرمین عمران خان  نے امیر جماعت اسلامی سراج الحق سے ٹیلی فونک رابطہ کیا۔

میڈیا رپورٹس کے مطابق دونوں رہنماؤں نے موجودہ ملکی سیاسی صورت حال، دو طرفہ معاملات اور باہمی دلچسپی کے امور پر تفصیلی بات چیت کی۔

گفتگو میں سابق وزیر اعظم نے کہا کہ ان کی حکومت کوایک باضابطہ سازش کے تحت ہٹایا گیا، محب وطن قوتوں کو مل کر اس سازش کو ناکام بنانا ہوگا۔

امیر جماعت نے عمران خان کے لیے نیک تمناؤں کا اظہار کیا اور دونوں قائدین کا روابط میں تسلسل برقرار رکھنے پر بھی اتفاق کیا۔