حمزہ شہباز کے حلف کے معاملے پر ن لیگ کا لاہور ہائی کورٹ سے رجوع کا فیصلہ

تفصیلات کے مطابق پاکستان مسلم لیگ کے رہنما عطا تارڑ نے کہا ہے کہ حمزہ شہباز کے حلف کے معاملے پر لاہور ہائی کورٹ میں درخواست کل دائر کی جائےگی۔

اپنی گفتگو میں ان کا کہنا تھا پرویز الٰہی اور گورنر پنجاب عمر سرفراز چیمہ صوبے میں افراتفری چاہتے ہیں۔

انہوں نے کہا کہ اگر گورنر پنجاب حمزہ شہباز سے حلف نہیں لینا چاہتے تو پھر وفاقی حکومت اس آئینی عہدے پر کسی اور کو مامور کرے۔

یاد رہے کہ گزشتہ دنوں پنجاب اسمبلی کے اجلاس میں خوب ہنگامہ آرائی اور مار دھاڑ ہوئی جس کے بعد ایوان نے حمزہ شہباز کو وزیر اعلیٰ منتخب کیا۔

وزیر اعلیٰ پنجاب کے انتخاب کو مسترد کرتے ہوئے اسپیکر پرویز الٰہی نے نتائج تسلیم کرنے سے انکار کر دیا۔

دوسری جانب گورنر پنجاب عمر سرفراز چیمہ نے بھی تقریب حلف برداری مؤخر کردی ہے۔