لیہ: ٹریفک حادثے میں  خاتون سمیت 3 افراد جاں بحق 

جی این این کے مطابق افسوس ناک واقعہ ایم ایم روڈ فتح پور چکنمبر 234 ٹی ڈی اے کے قریب پیش آیا جہاں  کار ہارویسٹر کے نیچے جا گھسی، جس کے نتیجے میں   ایک  خاتون سمیت 3 افراد جاں بحق ہوگئے جبکہ  1 شدید زخمی  ہے ۔  

حادثے کی اطلاع ملتے ہی ریسکیو ٹیمیں موقع پر پہنچ گئیں۔ 

 ریسکیو کے مطابق کار سوار جاں بحق افراد کی شناخت ارشاد بیگم، علی عباس، حسنین اور زخمی زین العابدین کے نام سے ہوئی ہے ، خاندان کا  تعلق محلہ یوسف آباد لیہ سے تھا۔ 

حادثہ تیز رفتاری کے باعث پیش آیا ، ریسکیو نے میتیں اور زخمی  کو تحصیل ہسپتال فتح پور منتقل کردیا ۔