پیٹرول اور ڈیزل کی قیمت بڑھائے بغیر معیشت دم توڑ جائے گی:مریم نواز

سماجی رابطے کی ویب سائیٹ ٹوئیٹر پر جاری پیغام میں مریم نواز نے کہا کہ فیصلہ کرنا مشکل نہیں ہے، فیصلہ تو ابھی اور اسی وقت ہو سکتا ہے۔

انہوں نے کہا کہ عمران خان ملکی معیشت کو وینٹی لیٹر پر پھینک گیا ہے،ملک کو تباہ کر گیا ہے اور پیٹرول اور ڈیزل کی قیمت بڑھائے بغیر معیشت دم توڑ جائے گی، یہ سب جانتے ہوئے بھی نواز شریف اور شہباز شریف عوام کے بارے میں فکر مند ہیں۔

فیصلہ کرنا مشکل نہیں ہے۔ فیصلہ ابھی اسی وقت ہو سکتا ہے مگر یہ جانتے ہوئے بھی کہ عمران خان ملکی معیشت کو وینٹی لیٹر پر پھینک گیا ہے ، ملک کو تباہ کر گیا ہے اور پیٹرول اور ڈیزل کی قیمت بڑھائے بغیر معیشت دم توڑ جائے گی، نواز شریف اور شہباز شریف عوام کی تکلیف کے بارے میں فکر مند ہیں۔

— Maryam Nawaz Sharif (@MaryamNSharif) May 17, 2022

واضح رہے کہ وزیر خزانہ مفتاح اسماعیل نے کہا تھا کہ حکومت پیٹرول کی قیمتوں میں اضافے کا فیصلہ کر چکی ہے تاہم ابھی تک اس فیصلے پر عمل در آمد نہیں ہوا، حکومت نے پیٹرولیم مصنوعات کی قیمتوں میں اضافے کی سمری مسترد کر دی تھی۔