منحرف اراکین سے متعلق سپریم کورٹ کے فیصلے پر عثمان بزدار کا رد عمل

سابق وزیر اعلیٰ پنجاب عثمان بزدار نے کہا ہے کہ سپریم کورٹ کا آج کا فیصلہ ضمیرفروشی اور لوٹا کریسی کے خاتمے میں اہم سنگ میل ہے۔

سماجی رابطے کی ویب سائیٹ ٹوئیٹر پر جاری پیغام میں سابق وزیر اعلیٰ پنجاب نے کہا کہ لوٹا کریسی پارلیمانی نظام حکومت کی روح کے خلاف اور عوامی مینڈیٹ کی توہین ہے۔

انہوں نے مزید کہا کہ چند کوڑیوں اور ذاتی مفادات کی خاطر ضمیر بیچنے والوں کو نہ تو اب قانون کی عدالتوں میں پناہ ملے گی نہ ہی عوامی عدالت میں۔

واضح رہے کہ سپریم کورٹ نے آرٹیکل 63 اے کی تشریح سے متعلق صدارتی ریفرنس پر آج فیصلہ سنایا جس کے مطابق منحرف اراکین کا پارٹی کے خلاف ووٹ شمار نہیں ہوگا۔