حکومت مالی طور پر کمزور طبقات کی معاشی مشکلات کم کرنے کی خواہاں ہے:وزیراعظم

ٹوئیٹر پر سلسلہ وار ٹوئیٹس میں وزیر اعظم شہباز شریف نے کہا کہ مالی لحاظ سے مضبوط لوگوں کو ٹیکسوں کی ادائیگی کے ذریعے قومی خزانے کے لیے اپنا کردار ادا کرنا چاہئے۔

انہوں نے کہا کہ وزیر خزانہ مفتاح اسماعیل اور ان کی پوری ٹیم کو متوازن، اور عوام دوست بجٹ پیش کرنے پر مبارکباد پیش کرتا ہوں، مالی طور پر درپیش چیلنجوں اور بہت سی مشکلات کے باوجود بجٹ کی تیاری ایک مشکل کام تھا۔

وزیر اعظم شہباز شریف کا مزید کہنا تھا کہ حکومت نے بے نظیر انکم سپورٹ پروگرام کے لیے فنڈز میں اضافہ کیا ہے، بے نظیر اسکالرشپ پروگرام کا دائرہ کار ایک کروڑ طلباء تک بڑھایا جائے گا۔

Congratulations to Federal Minister for Finance @MiftahIsmail & his entire team on the presentation of a balanced, progressive and pro-people budget. Making a budget in financially challenging times with so many constraints is no less than a herculean task.

— Shehbaz Sharif (@CMShehbaz) June 10, 2022