رانا ثناء اور مریم نے ہم پر جعلی پرچوں کا سلسلہ شروع کیا ہے:حماد اظہر

سماجی رابطے کی ویب سائیٹ ٹوئیٹر پر جاری پیغام میں رہنما تحریک انصاف حماد اظہر نے کہا کہ میرے، ڈاکٹر یاسمین راشد اور دیگر پارٹی رہنماؤں پر جعلی پرچوں کا مقصد ہے کہ شاید ہم تھک یا ڈر جائیں گے۔

حماد اظہر نے حکومتی اقدامات پر کچھ اشعار شیئر کرتے ہوئے کہا کہ حبیب جالب نے ایسے فاشسٹ ذہن کے لوگوں کے بارے میں کیا خوب کہا ہے:

میرے ہاتھ میں قلم ہے، میرے ذہن میں اُجالا
مجھے کیا دَبا سکےگا کوئی ظلمتوں کا پالا

مجھے فکرِ امنِ عالم، تجھے اپنی ذات کا غم
میں طُلوع ہو رہا ہوں، تُو غروب ہونے والا 

ایک اور ٹوئیٹ میں اپنے اور دیگر پارٹی رہنماؤں کی گرفتاری کے وارنٹ پر مبنی دستاویز شیئر کرتے ہوئے حماد اظہر نے کہا کہ ایسا مارشل لاء کے ادوار میں بھی نہیں ہوا، ملک ان سے چل نہیں رہا اور ریاست کو فاشزم کی طرف دھکیل رہے ہیں۔