ملک میں مہنگائی 23.98 فیصد کی بلند شرح پر پہنچ گئی

ادارہ شماریات کی جانب سے جاری مہنگائی کے ہفتہ وار اعدادوشمار کے مطابق ملک میں مہنگائی کی شرح میں 2.67 فیصد اضافہ ہوا ہے جس کے ساتھ ہی مہنگائی 23.98 فیصد کی بلند شرح پر پہنچ گئی ہے۔

جاری رپورٹ کے مطابق ایک ہفتے میں 30 سے زائد اشیاء ضروریات مہنگی ہوئیں، گھی کی فی کلو قیمت 28 روپے اور کوکنگ آئل کی فی لیٹر  قیمت میں37 روپے تک کا اضافہ ریکارڈ کیا گیا۔

ادارہ شماریات کے اعداد و شمار کے مطابق گزشتہ ایک ہفتے کے دوران پیٹرلیم مصنوعات سمیت دالیں، نمک، بیف، مٹن، چینی، پیاز، دودھ بھی مہنگے ہونے والے آئٹمز میں شامل ہیں، 5 اشیاء کی قیمتوں میں کمی،13 اشیاء کی قیمتوں میں استحکام رہا۔