شمالی وزیرستان:دہشتگردوں کی فائرنگ سے سپاہی شہید

پاک فوج کے شعبہ تعلقات عامہ کی طرف سے جاری بیان کے مطابق شمالی وزیرستان کے علاقے دتہ خیل میں سکیورٹی فورسز اور دہشت گردوں کے درمیان فائرنگ کا تبادلہ ہوا۔

فائرنگ کے تبادلے میں 25 سالہ سپاہی شاہ زیب امتیاز بہادری سے لڑتے ہوئے مادرِ وطن پر قربان ہوگئے، شہید سپاہی کا تعلق کوٹلی ستیاں سے تھا۔

آئی ایس پی آر کے مطابق سکیورٹی فورسز نے جرات مندی سے دہشت گردوں کا مقابلہ کیا جبکہ ممکنہ دہشت گردوں کا صفایا کرنے کے لیے علاقے میں کلیئرنس آپریشن جاری ہے۔