پی ٹی آئی نے کل52 ارب ڈالر قرض لیا،38 ارب ڈالر گزشتہ حکومتوں کا لیا ہوا قرض واپس کیا

سماجی رابطے کی ویب سائیٹ ٹوئیٹر پر جاری ایک پیغام میں فواد چودھری نے حکومتی ترجمان مریم اورنگزیب کے ٹوئیٹ پر رد عمل دیتے ہوئے کہا کہ تحریک انصاف کی حکومت نے کل قرض 52 ارب ڈالر لیا، اس میں سے 38 ارب ڈالر آپ کی حکومتوں کے لیے گئے قرض واپس کیے۔

حکومتی ترجمان مریم اورنگزیب نے اپنے ٹوئیٹ میں کہا تھا کہ شوکت ترین صاحب نے آخر کار اعتراف کر ہی لیا کہ عمران صاحب نے 4 سال کی حکومت میں 20 ہزار ارب روپے کا قرض لیا جو تاریخ پاکستان میں لئے گئے مجموعی قرض کا 76 فیصد ہے۔

مریم اورنگزیب کے ٹوئیٹ پر سخت رد عمل کا اظہار کرتے ہوئے فواد چودھری نے کہا کہ جب آپ ہر وقت موبائل گیم کھیلتی رہیں گی تو اسی طرح کی احمقانہ گفتگو کریں گی۔