اسلام آباد میں غیرملکی خاتون سے زیادتی کا ملزم گرفتار

انسپکٹر جنرل (آئی جی) اسلام آباد ڈاکٹر اکبر ناصر خان کا کہنا ہے کہ اسلام آباد پولیس نے غیر ملکی خاتون کے ساتھ زیادتی کرنے والے ملزم کو گرفتار کرلیا ہے، ملزم محمد سفیر پرائیویٹ کمپنی میں سیکیورٹی گارڈ تھا، جس نے غیر ملکی خاتون کے ساتھ زیادتی کی اور فرار ہو گیا تھا۔

آئی جی اسلام آباد کا کہنا تھا کہ کیس کی تحقیقات مشترکہ طور پر کی گئی، ملزم کو نشانِ عبرت بنانا چاہتے ہیں۔

پولیس کا کہنا ہے کہ آئی جی اسلا م آباد نے واقعے  کا نوٹس لیتے ہوئے اسپیشل انویسٹی گیشن ٹیم تشکیل دی تھی، جس کے بعد پولیس ٹیم نے روپوش ملزم کو ٹریس کر کے گرفتار کیا۔