پیٹرول کی قیمت میں ایک بار پھر اضافہ کر دیا گیا

تفصیلات کے مطابق وفاقی وزیر خزانہ مفتاح اسماعیل نے اسلام آباد میں پریس کانفرنس کرتے ہوئے پیٹرولیم مصنوعات کی قیمتوں میں اضافے کا اعلان کر دیا ہے۔

وزیر خزانہ کی جانب سے اعلان کیا گیا کہ پیٹرول کی قیمت میں 24 روپے 3 پیسے اضافہ کیا جا رہا ہے جس کے بعد پیٹرول کی نئی قیمت 233 روپے 89 پیسے ہو گئی ہے۔

حکومت کی جانب سے پیٹرول کی قیمت میں اضافے کے ساتھ ڈیزل کی قیمت میں بھی  59 روپے فی لیٹر اضافہ کر دیا گیا ہے جس کے بعد ڈیزل کی نئی قیمت 263 روپے 31 پیسے فی لیٹر ہو گئی ہے۔

مزید برآں لائٹ ڈیزل کی قیمت میں 29 روپے 61 پیسے جب کہ مٹی کے تیل کی قیمت میں 29 روپے59 پیسے فی لیٹر کا اضافہ کیا گیا ہے۔

اس حوالے سے وزیر خزانہ مفتاح اسماعیل  نے کہا کہ حکومت فیصلہ کر چکی، اب پٹرولیم مصنوعات کے معاملے میں کوئی نقصان برداشت نہیں کرے گی۔

حکومت کی جانب سے پیٹرولیم مصنوعات کی قیمتوں میں اضافے کا اعلان کر دیا گیا ہے جس کے بعد نئی قیمتوں کا اطلاق آج رات 12 بجے سے ہو گا۔