لاہور سمیت پنجاب کے مختلف حصوں  میں بارش ، موسم خوشگوار 

تفصیلات کے مطابق  پنجاب میں مون سون نے رت بدل دی  ، رات گئے تیز آندھی کے بعد کہیں ہلکی اور کہیں تیز بارش سے گرمی کی شدت میں کمی آگئی ہے ۔

محکمہ موسمیات نے آج بھی ملک کے بیشتر علاقوں میں بارش کی پیش گوئی کر دی۔ میانیوالی ، جھنگ، قائد آباد میں موسلا دھار بارش ہوئی۔ صفدرآباد ، ٹوبہ ٹیک سنگھ میں بارش اور ٹھنڈی ہواؤں نے موسم سہانا بنا دیا ۔

جھنگ، چنیوٹ اور گردونواح میں صبح سویرے بادل کھل کر برسے۔

محکمہ موسمیات  کے مطابق آج اسلام آباد، پنجاب، خیبرپختونخوا میں مزید بادل برسیں گے، کشمیر اور گلگت بلتستان میں بھی بارش کا امکان ہے۔