ڈاکٹرعامر لیاقت کی خالی نشست پر ضمنی الیکشن کا شیڈول جاری

الیکشن کمیشن کے مطابق این اے 245 کے لیے کاغذات نامزدگی 24 جون تک جمع کرائے جاسکیں گے، جبکہ پولنگ 27 جولائی کو ہوگی۔

 الیکشن کمیشن کے مطابق سید ندیم حیدر کو این اے 245 کے لیے ریٹرننگ افسر مقرر کیا گیا ہے۔

واضح رہے کہ این اے 245 کی نشست عامر لیاقت حسین کے انتقال کے باعث خالی ہوئی تھی۔ وہ پی ٹی آئی کے ٹکٹ پر ایم این اے منتخب ہوئے تھے۔

یاد رہے کہ گزشتہ روز کراچی کے علاقے کورنگی میں این اے 240 کی نشست پر گزشتہ روز ضمنی انتخاب کیلئے پولنگ ہوئی جس میں غیر سرکاری  نتائج کے مطابق  متحدہ قومی موومنٹ کے محمد ابوبکر کامیاب ہوئے ۔ 

اس ضمنی انتخاب میں 25 امیدوار میدان میں تھے جبکہ یہ نشست ایم کیو ایم پاکستان کے رکن قومی اسمبلی اقبال محمد علی کے انتقال پر خالی ہوئی تھی۔