عالمی منڈی میں خام تیل کی قیمتوں میں بڑی کمی

بین الاقوامی میڈیا رپورٹس کے مطابق  17 جون کے روز برطانوی برینٹ کروڈ آئل کی قیمت میں 4.9 فیصد کمی ریکارڈ کی گئی ہے، برطانوی بینٹ کروڈ آئل کی قیمت 5.85 ڈالر کمی کے ساتھ 113.96 ڈالر فی بیرل پر آگئی ہے۔

دوسری جانب امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) کی قیمت میں بھی 5.7 فیصد کی کمی ہوئی ہے، ڈبلیو ٹی آئی کی نئی قیمت 6.66 ڈالر کم ہو کر 110.93 ڈالر فی بیرل ہوگئی ہے۔

عالمی منڈی میں خام تیل کی قیمتوں میں کمی سے متعلق ماہرین کا کہنا ہے کہ اس کمی کی وجہ امریکہ اور دیگر مغربی ممالک میں شرح سود میں اضافہ ہے کیوںکہ سرمایہ کار اس اقدام سے پریشان ہیں۔