ن لیگ کے لگائے پلانٹ اتنی مہنگی بجلی بناتے ہیں کہ یہ خود بھی انہیں نہیں چلا رہے:حماد اظہر

وزیر اعظم شہباز شریف نے اپنے ٹوئیٹ میں کہا کہ پاور ڈویژن نے آج وفاقی کابینہ کو ملک میں حالیہ لوڈ شیڈنگ کی صورت حال پر تفصیلی طور پر آگاہ کیا ہے۔

وزیر اعظم کا کہنا تھا کہ تحریک انصاف کی حکومت کی غفلت کی وجہ سے 3963 میگاواٹ کے منصوبے بروقت مکمل نہ ہوئے جس کی وجہ سے عوام کو لوڈشیڈنگ کے عذاب کا سامنا کرنا پڑا ہے

جواب میں سابق وفاقی وزیر حماد اظہر نے وزیر اعظم شہباز شریف کے ٹوئیٹ کو ری ٹوئیٹ کرتے ہوئے کہا کہ تحریک انصاف کے دور میں 5700 میگاواٹ کے منصوبے مکمل ہوئے، ہمارے دور میں ایسی لوڈشیڈنگ کا کوئی تصور نہیں تھا۔

PTI کے دور میں 5700 میگاواٹ کے منصوبے مکمل ہوئے۔ لیکن نون لیگ نے ملک کی توانائی کو امپورٹڈ ایندھن کے مرحون منت کر دیا۔ ان کے لگائے پلانٹ اتنی مہنگی بجلی بناتے ہیں کہ خود نون لیگ انھیں نہیں چلا رہی۔ مسئلہ پیداواری صلاحیت کا نہیں۔ ہمارے دور میں ایسی لوڈشیڈنگ کا کوئی تصور نہیں تھا۔ https://t.co/5vFwcdxHwh

— Hammad Azhar (@Hammad_Azhar) July 4, 2022

انہوں نے کہا کہ ن لیگ نے ملک کی توانائی کو امپورٹڈ ایندھن کے مرہون منت کر دیا، مسئلہ پیداواری صلاحیت کا نہیں، ان کے لگائے پلانٹ اتنی مہنگی بجلی بناتے ہیں کہ یہ خود بھی انہیں نہیں چلا رہی۔