اسلام آباد: پنڈوڑیاں سے 6 روز قبل لاپتہ بچی کی لاش مل گئی

جویریہ 29 جون کو گھر سے اچانک لاپتہ ہوئی، بچی کی گمشدگی کی خبر سن کر باپ چارسدہ سے فوراً واپس آیا اور تھانہ کھنہ میں ایف آئی آر درج کرائی۔

اہل خانہ بچی کی تلاش کے لیے جگہ جگہ کی خاک چھانتے رہے کہ 6 روز بعد کورنگ نالے سے لاش ملی۔ پمز اسپتال میں پوسٹ مارٹم کے بعد لاش لواحقین کے حوالے کردی گئی۔

معصوم پھول کو کچلنے والا کون تھا؟؟ تاحال کوئی سراغ نہ مل سکا۔ پولیس قتل سے پہلے ممکنہ زیادتی سمیت تمام پہلوؤں پر تفتیش کررہی ہے۔