الیکشن میں ممکنہ دھاندلی، عمران خان نے خدشات کا اظہار کر دیا

سماجی رابطے کی ویب سائیٹ ٹوئیٹر پر جاری پیغام میں سابق وزیراعظم عمران خان نے کہا کہ مجھے ڈر ہے کہ پی ڈی ایم جماعتیں اور اسٹیبلشمنٹ آزاد و منصفانہ انتخابات نہیں چاہتیں۔

انہوں نے کہا کہ پی ڈی ایم میں شامل جماعتوں نے برسوں کی ریاضت سے دھاندلی کے فن میں مہارت حاصل کی ہے، پی ڈی ایم کی طرح ہماری مقتدرہ (اسٹیبلشمنٹ) بھی آزادانہ و منصفانہ انتخابات نہیں چاہتی۔

اپنے ایک اور ٹوئیٹ میں سابق وزیر اعظم نے کہا کہ الیکٹرانک ووٹنگ مشینوں کےذریعے پاکستان میں دھاندلی کے163 طریقوں میں سے 130 سےچھٹکارا پایا جاسکتاتھا لیکن شرمناک حدتک متعصب اور کنٹرولڈ الیکشن کمیشن کی طرح ان دو مجرم مافیا خاندانوں نے ای وی ایم کی مخالفت کی۔