افغانستان: کابل ایئرپورٹ کا انتظام یو اے ای کے حوالے کیے جانے کا امکان

غیر ملکی خبر رساں ایجنسی کے مطابق چند ہفتوں میں باقاعدہ معاہدے کا اعلان کر دیا جائے گا۔

افغانستان کی طالبان حکومت نے علاقائی ممالک بشمول قطر اور ترکی سے کابل سمیت دیگر ایئرپورٹس کو چلانے کے لیے رابطہ کیا تھا۔

کئی مہینوں کے مذاکرات کے بعد طالبان نے فیصلہ کیا ہے کہ تمام ایئرپورٹس کا انتظام متحدہ عرب امارات کے حوالے کیا جائے گا، اس سے پہلے بھی خلیجی ملک نے افغان ایئرپورٹس کو چلایا تھا۔

یو اے ای کے ساتھ ممکنہ معاہدے کے تحت ایئرپورٹس پر افغانوں کو ملازمت دی جائے گی۔

پچھلے سال افغان حکومت نے مئی میں طالبان کے اقتدار سنبھالنے سے پہلے ایئرپورٹس کی گراؤنڈ سروسز کا ٹھیکہ یو اے ای کی ایک کمپنی کو دیا تھا۔