احسن اقبال کی فوڈ ریسٹورنٹ آمد، چور چور کے نعرے لگ گئے

تفصیلات کے مطابق مسلم لیگ ن کے رہنما اور وفاقی وزیر برائے منصوبہ بندی و ترقی احسن اقبال کو ریسٹورنٹ میں دیکھ کر عوام نے چور چور کے نعرے لگانا شروع کر دیے جس کی ویڈیو سوشل میڈیا پر وائرل ہو گئی۔

وائرل ہونے والی ویڈیو میں دیکھا جاسکتا ہے کہ احسن اقبال فوڈ ریسٹورنٹ کے اندر موجود ہیں اور قریب کھڑے عوام زور زور سے نعرے لگا رہے ہیں۔

احسن اقبال کے ساتھ ایک فیملی کا نامناسب رویہ، فیملی نے احسن اقبال کو دیکھ کر چور چور کے نعرے لگائے @betterpakistan #AhsanIqbal #GNN pic.twitter.com/nRpz6rqxPY

— GNN (@gnnhdofficial) July 8, 2022

وفاقی وزیر نے واقعہ پر رد عمل کا اظہار کرتے ہوئے ٹوئیٹ کیا کہ آج سرگودھا کے علاقے بھیرہ میکڈونلڈ میں ایک "یوتھین" فیملی سے مڈبھیڑ ہوئی جو بظاہر خود کو ایلیٹ کلاس سمجھتی ہے مگر مکالمہ کی بجائے جاہلوں کی طرح نعرے بازی شروع کردی۔

احسن اقبال کے ٹوئیٹ کو ری ٹوئیٹ کرتے ہوئے تحریک انصاف کے رہنما فواد چودھری نے کہا کہ سر ویڈیو میں تو صرف آپ کی بے عزتی نظر آئی ہے، آپ جھوٹ بولنا بند کریں اور لوگوں میں برقع پہن کر جایا کریں۔

سر ویڈیو میں تو صرف آپ کی بے عزتی نظر آئ ہے، آپ جھوٹ بولنا بند کریں اور لوگوں میں برقع پہن کر جایا کریں https://t.co/aEuXDcwdCh

— Ch Fawad Hussain (@fawadchaudhry) July 8, 2022