نواک جو کو ویچ نے ومبلڈن ساتویں مرتبہ جیت لیا

غیر ملکی خبر ایجنسی کے مطابق نواک جوکوویچ نے مسلسل چوتھی بار ٹائٹل اپنے نام کرتے ہوئے کیریئر میں ساتویں مرتبہ ومبلڈن ٹائٹل جیتا ہے جب کہ وہ سب سے زیادہ مرتبہ ایونٹ جیتنے والوں میں مشترکہ طور پر دوسرے نمبر پر ہیں۔

جوکوویچ نے فائنل میں آسٹریلیا کے نک کیریوس کو سنسنی خیز مقابلے کے بعد شکست سے دو چار کیا، نواک جوکوویچ نے 3 گھنٹے تک جاری رہنے والا یہ میچ مجموعی طور پر 1-3 سے جیتا۔

مزید تفصیلات کے مطابق پہلے سیٹ میں نواک جوکوویچ کو 4-6 سے شکست کا سامنا کرنا پڑا تاہم بعد میں کم بیک کرتے ہوئے انہوں نے دیگر سیٹس 3-6، 4-6 اور 6-7 سے اپنے نام کیے۔