نیوٹرل سے صلح چاہتا ہوں: شیخ رشید

نجی ٹی وی چینل سے گفتگو میں سابق وزیر داخلہ شیخ رشید نے کہا کہ میں ہمیشہ ایک ہی آدمی کے ساتھ سیاست کرتا ہوں، جم غفیر کے ساتھ نہیں، عدم اعتماد کے بعد عمران خان عوام میں بہت مقبول ہوگئے ہیں۔

انہوں نے کہا کہ میں نے سیاست میں کسی سے انتقام نہیں لیا، 50،60 سال پہلے خونی الیکشن نہیں ہوتے تھے، میئر کا الیکشن میں ایک ووٹ سے ہارا، نواز شریف کی تحریک نجات کی منصوبہ بندی بھی میں نے کی تھی۔

شیخ رشید نے کہا کہ میں عمران خان کے ساتھ کھڑا ہوں، عمران خان کے ساتھ ابھی تک کسی بات پر کوئی اختلاف نہیں، نالہ لئی کا منصوبہ مکمل ہونے کے بعد سیاست کو خیر باد کہہ دوں گا، نیوٹرل سے صلح چاہتا ہوں۔

اپنی گفتگو میں شیخ رشید کا کہنا تھا کہ دشمنی اور دوستی دونوں نمبر ون سے کرتا ہوں، نمبر ٹو کو لفٹ نہیں کرواتا، نواز شریف جو دولت ملک سے لے کر گئے وہ واپس لائیں، زرداری کو کچھ نہیں کہنا چاہتا، مجھے ان سے نفرت ہے۔