پیپلزپارٹی نے کراچی کو ہمیشہ سوتیلا سمجھا ہے:اسد عمر

اس عمر نے کہا کہ بارش نے ایک دفعہ پھر عیاں کر دیا کے سندھ پر 6 مرتبہ حکومت کرنے والی پیپلزپارٹی نے کراچی کو ہمیشہ سوتیلا سمجھا ہے۔

سماجی رابطے کی ویب سائیٹ ٹوئیٹر پر جاری پیغام میں اسد عمر نے اپنے خیالات کا اظہار ایک شعر کے ذریعے کیا، انہوں نے کہا ان سے توقع رکھنا ایسا ہی ہے جیسے میر تقی میر نے کہا:

میر کیا سادے ہیں بیمار ہوئے جن کے سبب

اسی عطار کے لڑکے سے دوا لیتے ہیں

واضح رہے کہ کراچی میں عید کے دوسرے روز ہونے والی بارشوں سے رہائشی علاقوں کے ساتھ ساتھ تجارتی مراکز بھی زیر آب آ چکے ہیں جبکہ کراچی چیمبر آف کامرس نے شہر کو آفت زدہ قرار دینے کا مطالبہ بھی کردیا ہے۔