وزیر خارجہ شاہ محمود قریشی کا سعودی وزیر خارجہ سے ٹیلیفونک رابطہ

ترجمان دفتر خارجہ کے مطابق : وزیر خارجہ شاہ محمود قریشی نے سعودی وزیر خارجہ سے ٹیلیفونک رابطے میں خلیج تعاون کونسل کے ممالک کے مابین اختلافات کو حل کرنے کے لئے سعودی عرب کے کردار کو سراہا، وزیر خارجہ نے خطے میں امن ، سلامتی اور خوشحالی کے فروغ کے لئے سعودی کوششوں کے لئے پاکستان کی جاری حمایت پر زور دیا۔

شاہ محمود قریشی نے سعودی عرب کی سالمیت اور خودمختاری کے لئے پاکستان کی حمایت کا اعادہ کیا، جبکہ سعودی وزیر خارجہ نے سعودی عرب کے لئے پاکستان کی مستقل حمایت پر شکریہ ادا کیا۔