بجلی کی قیمتوں میں اضافے کا امکان

تفصیلات کے مطابق سینٹرل پاور پرچیزنگ  ایجنسی (سی سی پی اے) نے   نیپرا کو  65 پیسے فی یونٹ اضافے کی درخواست دی رکھی ہے۔جس کے بعد بجلی کی قیمتوں میں اضافے کا امکان ہے،سی پی پی اے کی درخواست پر نیپرا میں کل سماعت ہو گی۔بجلی کی قیمتوں میں اضافے کی درخواست ماہانہ فیول ایڈجسمنٹ کی  مد میں کی گئی ہے۔

واضح رہے کہ  9مارچ  کو  نیپرا (نیشنل الیکٹرک پاور ریگولیٹری اتھارٹی) نے بجلی کی قیمت میں 89 پیسے فی یونٹ اضافے کی منظوری دی تھی، نیپرا کی جانب سے جنوری کے ماہانہ  فیول چارجز ایڈجسٹمنٹ کی مد میں 0.8954روپے فی یونٹ اضافے کی منظوری کا نوٹیفکیشن جاری کیا گیا تھا جس سےصارفین پر 6 ارب 90 کروڑ روپے کا اضافی بوجھ پڑا تھا۔

خیال رہے کہ سی پی پی اے نے 0.9270روپے فی یونٹ اضافے کی درخواست کی تھی جبکہ نیپرا اتھارٹی نے 25 فروری  2021 کو ایف سی اے پر عوامی سماعت کی تھی اور فیصلہ محفوظ کر لیا تھا۔