سونا مزید سستا ہوگیا

صرافہ بازار ایسوسی ایشن کے مطابق ایک تولہ سونا 1000 روپے سستا ہوگیا جس کے بعدایک تولہ سونے کی قیمت1 لاکھ 5 ہزار 700 روپےہوگی۔10 گرام سونا 857 روپے سستاہوکر 90621 روپے کا ہوگیا ۔عالمی بازار میں سونا 6ڈالر کمی سے 1727 ڈالر فی اونس کا ہوگیا ۔ڈالر 54 پیسے سستا ہونے سے سونے کی قیمت میں کمی ہوئی ۔

دوسری جانب روپیہ تگڑا اور ڈالر مزید کمزور ہونےلگا ،انٹربینک میں ڈالر چون پیسے سستا ہوگیا۔ انٹربینک میں ڈالر چودہ ماہ کی کم ترین سطح ایک سو چون روپے پانچ پیسے پر آ گیا ۔

معاشی ماہر خرم شہزاد  نے بتایا کہ اگست 2020 میں انٹربینک میں ڈالر 168.43 سے اب تک ڈالر 14.38 روپے سستا ہوچکا ہے۔

ڈالر سستا ہونے سے درآمدی اشیا کی قیمت میں کمی ہوگی ۔ڈالر سستا ہونے سے ملک کے بیرونی قرض کے ادائیگی کے بوجھ میں بھی کمی ہوگی ۔