ملک کے مختلف علاقوں میں ہیٹ ویو کا الرٹ جاری

  تفصیلات کے مطابق  ملک کے مختلف علاقوں میں وقت سے پہلے  شدید گرمی  کی لہر آنے    کی  پیش گوئی کردی گئی ،  سندھ،جنوبی پنجاب  اور بلوچستان میں ہیٹ ویو کاالرٹ جاری کردیا گیا، منگل سے ہفتے تک   درجہ حرارت میں چار سے چھ سینٹی گریڈتک  اضافہ ہوسکتا ہے۔ نیشنل ڈیزاسٹر مینجمنٹ اتھارٹی  کا کہنا ہے کہ کراچی میں بھی  پارہ 41  سینٹی گریڈ تک پہنچ سکتا ہے۔

نیشنل ڈیزاسٹر مینجمنٹ اتھارٹی نے   سخت گرمی ، لو  چلنے  کی وارننگ بھی دیدی ۔ سندھ اور بلوچستان میں گرد آلودہوائیں چلنے کا بھی خدشہ ظاہر کردیا۔کراچی والے بھی ہوشیار ہوجائیں گرمی کی لہر  چندروزتک جاری رہنے کی پیش گوئی کی گئی ہے ،محکمہ موسمیات نے   نیم پہاڑی علاقوں میں بھی درجہ حرارت میں اضافے کا امکان  ظاہرکیاہے۔

این ڈی ایم اے کا کہناہےکہ  ہیٹ ویو سے بچنے کے لیے ضروری  اقدامات اٹھائے جائیں  جبکہ  سرکاری و نجی ہسپتالوں میں ہیٹ ویو سینٹرز قائم کیے جائیں،۔