حکومت کی بھارت سے چینی ، کپاس اور دھاگہ درآمد کرنے کی تیاریاں

تفصیلات کے مطابق وزارت تجارت سمریاں منظوری کیلئے کل اقتصادی رابطہ کونسل میں پیش کرے گی۔ وزارت تجارت نے وزیراعظم کی اجازت کے بعد سمریاں ای سی سی کو بھجوائی ہیں۔ بھارت سے چینی ٹی سی پی اور کمرشل درآمد کنندگان کے ذریعے درآمد کرنے کی تجویز ہے ۔ بھارت 30جون 2021ء تک کپاس اور یارن(دھاگہ)  واہگہ کے راستے یہ اشیاء درآمد کرنے کی تجویز دی گئی ہے۔

وزارت تجارت حکام کے مطابق پاکستان کو کمی پورا کرنےکے لیےکپاس درآمد کرنا پڑتی ہے،بھارت سے کپاس اور یارن کی درآمد سستی پڑے گی، کپاس کی پیداوار میں تاریخی کمی کے باعث یارن پر بھی دباؤ پڑا ہے۔

اس حوالے سے وزیر خزانہ حماد اظہر نے ای سی سی کا اجلاس آج (بدھ کو) طلب کر لیا۔  ذرائع کے مطابق اقتصادی رابطہ کمیٹی 21 نکاتی ایجنڈے پر غور کرے گی۔ اجلاس میں بھارت سے کپاس، دھاگہ اور چینی کی درآمد کی منظوری کا بھی امکان ہے۔

خیال رہے کہ پاکستان کی اگست 2019 میں بھارت کے ساتھ دوطرفہ تجارت  معطل ہے۔