شہباز گل کی سٹی پلمونری اینجیوگرافی کرانے کا فیصلہ

میڈیا رپورٹس کے مطابق پمز اسپتال ذرائع کے مطابق شہباز گل کو چیسٹ انفیکشن، جسم درد اور گلے میں خراش کی شکایت ہے تاہم شہباز گل کو چیسٹ انفیکشن کے لیے اینٹی بائیوٹک دوا دی جا رہی ہے۔

 شہباز گل کو باقاعدگی سے نیبولائز کیا جا رہا ہے اور ان کا بلڈ پریشر، شوگر، دھڑکن، نبض کی رفتار معمول کے مطابق ہے۔ ڈاکٹرز نے شہباز گل کی سٹی پلمونری اینجیوگرافی کرانے کا فیصلہ کیا ہے جس سے پھیپڑوں کی نالیوں کی جانچ ہو گی۔

شہباز گل کو کمرے میں اے سی، ٹی وی، صوفہ کی سہولت میسر ہے جبکہ انہیں اسپتال سے پرہیزی کھانا فراہم کیا جا رہا ہے۔

 شہباز گل کمرے میں صبح شام چہل قدمی کرتے ہیں اور وہ بھرپور نیند لے رہے ہیں۔