پشاور میں چینی اور آٹے کی قیمتوں میں اضافہ

تفصیلات کے مطابق خیبرپختونخوا کے دارالحکومت پشاور میں آٹے اور چینی کی قیمتوں میں اضافے سے شہریوں کی پریشانی بڑھ گئی ۔ سپر فائن آٹے کا 20 کلو کا تھیلا 1350روپے ہو گیا جبکہ  لوکل مارکیٹ میں 20 کلو فائن آٹے کا تھیلہ 1300 روپے میں دستیاب ہے ۔مکس آٹے کی قیمت  1250روپے تک جا پہنچی  ہے ۔پشاور میں  چینی کی قیمت بھی آسمان کو چھونے لگی ،   لوکل مارکیٹ میں چینی کی فی کلو قیمت 110 روپے تک پہنچ گئی جبکہ زیادہ تر یوٹیلٹی اسٹورز میں  چینی نہیں مل رہی ہے ۔ پشاورمیں چینی کی 50 کلو کی بوری 5200 روپے  ہو گئی ہے۔ پشاورمیں  ایک ماہ میں چینی کی فی کلو قیمت میں 18 روپے کا اضافہ ہوا ہے۔