پی ڈی ایم کے بعد پیپلز پارٹی اور ن لیگ پارلیمانی ایوانوں میں بھی آمنے سامنے

تفصیلات کے مطابق  پاکستان مسلم لیگ  ن   اپوزیشن کے اجلاسوں میں پیپلز پارٹی کو بلانے گریزاں،پیپلز پارٹی نے سپیکر کے بلائے گئے اجلاسوں کا بائیکاٹ ختم کرنے کا بڑا فیصلہ کرلیا۔ پیپلز پارٹی کی درخواست پر سپیکر قومی اسمبلی نے  چیئرمین پی پی  بلاول بھٹو کو الگ چیمبر بھی الاٹ کردیا۔

جی این این کے مطابق پیپلز پارٹی نے چیئرمین سینیٹ اور سپیکر قومی اسمبلی سے تعلقات بہتر کرنے کا بھی فیصلہ کرلیا۔ذرائع مسلم لیگ ن کے مطابق   پیپلز پارٹی کی سی ای سی کے فیصلے کا انتظار ہے۔ جس کے بعد ن لیگ اہم فیصلے کرے گی۔

پیپلز پارٹی کے طرز عمل سے پاکستان ڈیموکریٹک موومنٹ  (پی ڈی ایم) سربراہ مولانا فضل الرحمن کو بھی آگاہ کر دیا گیا ہے۔مولانا فضل الرحمن پیپلز پارٹی کے اقدامات سے مایوس ہو گئے۔