سندھ میں لاک ڈاؤن سے متعلق وزیرا علیٰ کا بڑا فیصلہ

تفصیلات کے مطابق کراچی میں میڈیا سے گفتگو کرتے ہوئے مراد علی شاہ نے کہا کہ نیشنل کمانڈ اینڈ کنٹرول سینٹر (این سی او سی) کے اجلاس میں میں نے کہا تھا کہ2ہفتے کیلئے انٹر سٹی پبلک ٹرانسپورٹ بند کریں۔کورونا کی پہلی لہر میں اس لیے محفوظ رہے کہ ہم نے تمام ٹرانسپورٹ بند کردی تھی۔

وزیراعظم کی لاک ڈاؤن پر اپنی سوچ ہے، کل کورونا سے متعلق ٹاسک فورس کی میٹنگ بلائی ہے۔

نیشنل کمانڈ اینڈ کنٹرول سینٹر (این سی او سی) نے ضروری اقدامات نہیں کیے تو ہم اپنے طور پر فیصلے کریں گے، ویکسی نیشن مہم کو مزید تیزکرنے کا کہا ہے۔

وزیراعلیٰ سندھ سیدمراد علی شاہ نے کورونا وائرس کی صورتحال بیان کرتے ہوئے بتایا کہ گزشتہ 24 گھنٹوں میں 8913 نمونوں کی جانچ کی گئی،جس میں مزید 237 نئے کیسز رپورٹ ہوئے جبکہ 2 مریض انتقال کرگئے ۔

انہوں نے بتایا کہ اموات کی مجموعی تعداد 4504 ہوچکی ہے،آج مزید 108 مریض صحتیاب ہوئے ہیں،صحتیاب افراد کی مجموعی تعداد 256384 ہوچکی ہے ۔ اس وقت 5028 مریض زیر علاج ہیں۔

صوبے کے 237 نئے کیسز میں سے 119 کا تعلق کراچی سے ہے،ضلع شرقی 61،ملیر 22،ضلع جنوبی 20، کورنگی 9،  ضلع وسطی 5 اور ضلع غربی میں سے 2 نئے کیسز رپورٹ ہوئے ۔

حیدرآباد اور شہید بے نظیر آباد 20۔20،مٹیاری 7، میرپورخاص، ٹنڈو الہیار اور سجاول 6۔6، جامشورو اور نوشہروفیروز 5۔5، لاڑکانہ، عمرکوٹ اور ٹھٹھہ 4۔4، جیکب آباد اور قمبر3۔3،  گھوٹکی اور خیرپور میں سے2۔2 نئے کیسز سامنے آئے۔

وزیر اعلیٰ سندھ نے کہا کہ چاہتا ہوں ہمیں پتہ چلے کہ درحقیقت کتنی ویکیسن کی ضرورت ہے، ہمیں قانون نافذ کرنے والے اہلکاروں کی بھی ویکسی نیشن کرنی ہے۔

ان کا کہنا تھا کہ پاکستان کو اب تک جتنی بھی ویکسین ملی ہے وہ مفت میں ملی ہے، لاک ڈاﺅن کا اقدام اتنا ہی برا تھا تو وفاق اور باقی صوبوں نے اس پر عمل کیوں کیا؟

مرادعلی شاہ کا کہنا تھا کہ ٹرانسپورٹ سے متعلق اجلاس بلایا ہے پہلے بھی کسی آئی جی سے جھگڑا نہیں تھا نہ اب ہے، میری تجاویز این سی اوسی نے نہیں اخبارات نے مسترد کی، افسوس کےساتھ اخبار والوں کو شاید کسی نے فیڈ کیا۔