براڈشیٹ کمیشن رپورٹ پرحکومت کا فوری کارروائی کا فیصلہ

براڈ شیٹ کمیشن رپورٹ پر حکومت نے  5لوگوں کے خلاف فوری کارروائی کا فیصلہ کرلیا، وفاقی وزیر فواد چوہدری نے پریس کانفرنس کرتے ہوئے کہا کہ     براڈشیٹ کی رپورٹ آج جاری کی گئی ہے، براڈشیٹ معاملے پر 5لوگوں کےخلاف فوری کارروائی کا فیصلہ کیا گیا ہے۔

 فوادچودھری کا کہنا تھا کہ    عبدالباسط،شاہدبیگ کےخلاف کارروائی کی منظوری دی گئی ہے، احمربلال ،حسن ثاقب،غلام رسول  کیخلاف کارروائی کی بھی  منظوری دی گئی ہے۔انہوں  نے کہا کہ عظمت سعید نے حکومت کو سوئس اکاؤنٹ کا اوریجنل ڈیٹا فراہم کیا ہے، اب سوئس اکاؤنٹ کا اوریجنل اکاؤنٹ حکومت کے پاس موجود ہے، اس ڈیٹا کی بنیاد پر آصف زرداری کے خلاف مقدمات بنائے جائیں گے۔

وفاقی وزیر فواد چوہدری  نے پریس کانفرنس میں کہا کہ  ملک کی 45 فیصد شوگر پروڈکشن نواز شریف اور زرداری فیملی کے پاس ہے،سٹے کے ذریعے انہوں نے چینی کی قیمتیں بڑھائیں،ان کے خلاف بھی کاروائی ہوگی۔انہوں نے مزید کہا کہ  جن کمپنیز نے تیل کا 20 دن کا سٹاک نہیں رکھا ان کے خلاف کاروائی ہوگی،اوگرا قانون میں تبدیلیاں کی جائیں گی،ڈائریکٹر جنرل آئل اور ملوث آفیسر کو عہدوں سے ہٹایا جائے گا۔

فواد چوہدری کا کہنا تھا کہ  بھارت کے ساتھ کسی بھی قسم کی  کے تجارتی تعلقات کی منظوری نہیں دی گئی ،5اگست 2019کےاقدامات کےخاتمےتک کوئی پیشرفت نہیں ہوسکتی،  ہندوستان کے ساتھ حالات بہتر کرنا چاہتے ہیں لیکن اسکی پہلی شرط کشمیر کے حالات ٹھیک کرنا ہے، ای سی سی نے بھارت سے چینی اور کپاس درآمد کرنے کی تجویز دی تھی،  جب تک بھارت مقبوضہ وادی پر قابض ہے تعلقات کی بحالی نہیں ہوسکتی۔

فواد چوہدری نے کہا کہ  بدقسمتی سے کورونا کیسز میں تیزی سے اضافہ ہورہا ہے، پاکستان نے کورونا کی پہلی لہر کا مقابلہ بہت بہتر طریقے سے کیا، 98فیصد پاکستانیوں کو کورونا کی مفت ویکسین ملے گی، پاکستان میں روسی   اور  چین کی  کورونا ویکسین امپورٹ ہوئی،چینی کورونا  ویکسین کا  صرف ایک ہی ٹیکہ لگایا جاتا ہے،  چین کی کورونا ویکسین کے انجکشن  کی قیمت 4ہزار225روپے رکھی گئی ہے۔