آرمی چیف سے پولینڈ کے سفیر کی ملاقات ، باہمی دلچسپی کے امور پرگفتگو

پاکستانی فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے پولینڈ کے سفیر کی ملاقات ہوئی ہے، ملاقات میں باہمی دلچسپی کے امور اور خطے کی سکیورٹی صورتحال پر تبادلہ خیال کیا گیا۔

 آئی ایس پی آر کا کہنا ہے کہ  دوطرفہ تعلقات اور دفاعی تعاون کے فروغ پر بھی بات چیت کی گئی۔

آرمی چیف جنرل قمر جاوید باجوہ کا کہنا تھا کہ  پاکستان پولینڈ کے ساتھ تعلقات کو قدر کی نگاہ سے دیکھتا ہے،دہشتگردی کے خلاف جنگ سمیت سکیورٹی امور میں دونوں ممالک کے سٹریٹیجک مفادات ہیں۔پولینڈ کے سفیر نے  خطے میں قیام امن کیلئے پاکستان کی کوششوں کی تعریف بھی کی۔