گلوکار بپی لہری کورونا کا شکار

تفصیلات کے مطابق فیس بک کے ماتحت چلنے والی فوٹو شیئرنگ ایپ انسٹاگرام پر بپی لہری کی بیٹی ریما بپی کی جانب سے والد کے کورونا میں مبتلا ہونے کی تصدیق کی  گئی ہے۔انہوں نے بتایا ہے کہ بپی لہری میں کورونا کی ہلکی علامات موجود ہیں، تاہم انہیں نگہداشت کے لیے ممبئی کے ایک اسپتال میں منتقل کردیا گیاہے ۔ریما کی پوسٹ میں مزید کہا گیا ہے کہ وہ جلد ٹھیک ہوکر گھر آجائیں گے۔

گلوکار بپی لہری کے مینجر نے بھی درخواست کی ہے کہ وہ تمام افراد جو حالیہ دنوں بپی لہری کے ساتھ رابطے میں تھے وہ اپنا کورونا ٹیسٹ لازمی کروالیں اور احتیاطی تدابیر اختیار کریں۔

یاد رہے کہ  بھارت میں کورونا کی حالیہ لہر کے وار جاری ہیں   اور بالی وڈ اداکار عامر خان، پریش راول ،سنی دیول ، رنبیر کپور اور ان کی والدہ نیتو کپور ، کارتک آریان سمیت کئی شوبز شخصیات  کورونا وائرس میں مبتلا رہ چکے ہیں۔