مہنگائی کا جن بے قابو، ادارہ شماریات نے ماہانہ مہنگائی کے اعدادوشمار جاری کردیئے

تفصیلات کے مطابق   مہنگائی کا جن بے قابو ہوگیا، ایک ماہ کے دوران مہنگائی کی شرح 0.36 فیصد بڑھ گئی، ادارہ شماریات نے ماہانہ مہنگائی کے اعدادوشمار جاری کردیئے ہیں۔ رواں مالی سال کے پہلے 9 ماہ میں مہنگائی کی شرح 8.64 فیصد ریکارڈ کی گئی۔

ادارہ شماریات کے مطابق   ایک ماہ میں انڈے 12.96 فیصد، پھل 10 فیصد، آلو 9.54 فیصد مہنگے ہوئے، مرغی 6.58 فیصد، چینی 4.82 فیصد، ٹماٹر 4.67 فیصد اور دال ماش 4.57 فیصد مہنگی ہوئی،چاول 1.61 فیصد اور آٹا بھی 1.46 فیصد مہنگا ہوا۔

ادارہ شماریات کے  مطابق  کاٹن کے کپڑے، گاڑیوں کے پارٹس، ادویات اور واشنگ سوپ بھی مہنگا ہوا، ایک ماہ میں پیاز 2.37 فیصد، خشک میوہ جات 2.19 فیصد اور مچھلی 1.78 فیصد سستی ہوئی ہے۔