شہر قائد ہیٹ ویو کی لپیٹ میں، پارہ 41 ڈگری تک جانے کا امکان

محکمہ موسمیات کے مطابق ملک کے دیگر شہروں میں بھی  موسم گرم اور خشک رہے گا۔خیبر پختو نخوا اور اسلام آباد میں گرد آلود ہوائیں اور جھکڑ چلنے کا امکان ہے۔ محکمہ موسمیات کا کہنا ہے کہ کراچی ان دنوں ہیٹ و یو کی لپیٹ میں ہے اور آج بھی پارہ 41 ڈگری کو چھوسکتا ہے۔

محکمہ موسمیات کے مطابق آئندہ چوبیس گھنٹوں کے دوران موسم گرم اور خشک رہنے امکان ہے، کم سے کم درجہ حرارت 21 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 39 سے 41 ڈگری کے درمیان رہنے کا امکان ہے۔

محکمہ موسمیات کا مزید کہنا ہے کہ کراچی میں 3اپریل تک ہیٹ ویو برقرار رہنے کا امکان ہے۔ایئرپورٹ کے قریب حدنگاہ 4 کلومیٹر ریکارڈ کی گئی ہے، شہر میں شمال مغرب سے ہوائیں چل سکتی ہیں جبکہ ہوا میں نمی کا تناسب 20 فیصد ہے۔