پہلا ون ڈے : پاکستان کا جنوبی افریقہ کیخلاف ٹاس جیت کر فیلڈنگ کا فیصلہ

 تفصیلات کے مطابق  تین ایک روزہ بین الاقوامی کرکٹ میچوں کی سیریز کے پہلے میچ میں پاکستان نے ٹاس جیت کر پہلے فیلڈنگ کا فیصلہ کیا ہے ۔ ٹیم مینجمنٹ نے پہلے میچ کے لیے پلیئنگ الیون فائنل کر لی ہے ، ذرائع کے مطابق  ٹیم میں فخر زمان، امام الحق ، بابر اعظم ، محمد رضوان اور دانش عزیز آصف علی ، شاداب خان ،فہیم اشرف، شاہین آفریدی، حارث رؤف اور محمد حسنین بھی آج کھیلیں گے ۔

 بابر اعظم دورہ افریقہ کے موقع پر پہلی بار کپتانی کے فرائض انجام دے رہے ہیں  جبکہ   جنوبی افریقہ  کی جانب سے ٹیبما باووما بھی پہلی  مرتبہ کپتانی سنبھالیں گے۔ وکٹ کیپنگ کے فرائض محمد رضوان ہی سرانجام دیں گے۔

پاکستان اور جنوبی افریقا کے درمیان تین میچوں کی سیریز کا دوسرا ون ڈے 4 اور تیسرا 7 اپریل کو شیڈول ہے۔ جس کے بعد دونوں ٹیموں کے درمیان 4 ٹی ٹوئنٹی انٹرنیشنل میچز بھی کھیلے جائیں گے۔

خیال رہے کہ ایک روزہ  کرکٹ میں پاکستان کے خلاف پروٹیز کا پلڑا ہمیشہ بھاری رہا ہے۔ دونوں ٹیمیں 1992 ورلڈکپ مقابلے کے بعد سے 79 مرتبہ ایک دوسرے کے مدمقابل آچکی ہیں۔ جنوبی افریقا نے 50 میچوں میں فتح سمیٹی اور پاکستان کو صرف 28 مقابلوں میں جیت ملی، جبکہ ایک میچ کا نتیجہ نہیں نکل سکا۔