ثابت ہوگیا کہ حکومت نے ڈسکہ کے عوام کے ووٹ پر ڈاکہ ڈالا : مریم نواز

تفصیلات کے مطابق سماجی رابطے کی ویب سائٹ ٹوئٹر پر  پیغام میں  مسلم لیگ ن کی  نائب صدرمریم نواز  کا کہنا تھا کہ مسلم لیگ ن کے  تمام شیروں کو مبارکباد دیتی ہوں،  جنہوں نے نہ صرف چور ٹولے کا ڈٹ کر مقابلہ کیا  بلکہ  ووٹ پر بھی پہرہ  دیا۔  

مسلم لیگ ن کے تمام شیروں کو مبارکباد جنہوں نے ناصرف ووٹ چور ٹولے کا ڈٹ کر مقابلہ کیا بلکہ اپنے ووٹ پر پہرہ بھی دیا۔ شاباش ڈسکہ والو،شاباش ! شاباش نوشین @SyedaNosheenPK

— Maryam Nawaz Sharif (@MaryamNSharif) April 2, 2021

مریم نواز نے مزید کہا کہ صرف  ری الیکشن سے بات نہیں بنے گی، الیکشن کمیشن عملے کو اغوا کرنے اور ووٹ چوری کرنے  کے جرم کا حساب دینا ہوگا۔

آج ایک بار پھر ثابت ہوگیا کہ عمران خان اور اسکی جعلی حکومت نے ڈسکہ کے عوام کے ووٹ پر ڈاکہ ڈالا ہے۔ صرف ری الیکشن سے بات نہیں بنے گی۔ ان وارداتیوں کو ووٹ چوری کرنے اور الیکشن کمیشن کے عملے کو اغوا کرنے کے جرم کا حساب دینا ہوگاانشاءاللّہ pic.twitter.com/zkYCoxGsI9

— Maryam Nawaz Sharif (@MaryamNSharif) April 2, 2021

واضح رہے کہ آج  سپریم کورٹ نے ڈسکہ میں دوبارہ الیکشن سے  متعلق الیکشن کمیشن کا فیصلہ برقرار رکھا ہے۔جسٹس عمر عطاء بندیال کی سربراہی میں تین رکنی بنچ نے مختصر فیصلہ  سنایا، ورانِ سماعت جسٹس عمر عطاء بندیال نے کہا کہ قانونی نکات بیان کریں جو ضروری نوعیت کے ہیں، صرف ان دستاویزات پر انحصار کریں جن پر الیکشن کمیشن نے فیصلہ دیا۔  سپریم کورٹ نے الیکشن کمیشن کا فیصلہ برقرار رکھتے ہوئے 10اپریل کو پورے حلقے میں دوبارہ پولنگ کا حکم دے دیا۔

خیال رہے کہ پاکستان تحریک انصاف نے الیکشن کمیشن کے دوبارہ انتخابات کے فیصلے کو چیلنج کیا تھا۔