پاکستانی کمپنیوں نے روسی کورونا ویکسین کی تیاری کیلئے اجازت مانگ لی

جی این این کے مطابق نمائندہ روسی ڈپٹی ٹریڈ رسلان علیوف نے تصدیق ہےکہ 2 پاکستانی کمپنیوں نے روسی ویکسین کی تیاری کی اجازت مانگی ہے اور ہم نے دونوں درخواستیں سرمایاکاری ڈویژن بھیج دی ہیں۔ انہوں نے کہا کہ روسی ویکسین کی موجودہ قیمت کا علم نہیں ہے، تاہم ویکسین تیاری کی شروعات میں کہہ دیا گیا تھا کہ قیمت تبدیل ہوگی۔ 

دوسری جانب کمپنی کے مطابق اس نے لیویزوں میپ ہارم کے ساتھ کورونا ویکسین کی لائسنسنگ اور سپلائی کا معاہدہ کیا ہے جس کے تحت کورونا ویکسین پاکستان میں تیار بھی ہو گی۔ 

واضح رہے کہ پاکستان میں 65 سال اور اس سے زائد عمر کے شہریوں کی کورونا ویکسینیشن کا عمل شروع کر دیا گیا ہے۔ پاکستان کے وفاقی وزیر برائے ترقی و منصوبہ بندی اسد عمر نے ٹوئٹر پر ویکسینیشن کے لیے رجسٹریشن کے آغاز کا اعلان کیا۔ 

آغاز میں حکومت نے روس کی تیار کردہ 'سپٹنِک فائیو‘ ویکسین کی منظوری کے علاوہ دیگر چار کورونا ویکسین کے استعمال کی منظوری دی ۔ جس میں چینی ویکسین سینوفارم اور کان سائنو بائیو کے علاوہ برطانوی آسٹرا زینیکا ویکسین شامل تھیں، جبکہ چینی ویکسین 'سائنو فارم‘ کی پانچ لاکھ خوراکوں کے ساتھ ویکسینیشن مہم کا آغاز کیا۔