سندھ میں تعلیمی ادارے بند کرنے کی تجویز پیش کر دی گئی

تفصیلات کے مطابق سندھ میں بڑھتے ہوئے کورونا وائرس کیسسز کی وجہ سے محکمہ تعلیم سندھ کی اسٹیرنگ کمیٹی کا اجلاس منعقد ہوا  جس میں صوبے میں تعلیمی ادارے  بند کرنے سے متعلق دو تجاویز پیش کی گئی ہیں۔اجلاس کے دوران اسٹیرنگ کمیٹی کے کچھ ممبران نے سندھ میں آٹھویں جماعت تک کے لیے اسکول بند کرنے کی تجویز دی اور کچھ ممبران نے اسکولوں کو 15 روز کے لیے بند کرنے کا کہا تاہم کچھ ممبران نے تمام اسکول بند کرنے کی مخالفت کی۔

سند ھ کے وزیر تعلیم سعید غنی نے میڈیا ست گفتگو کرتے ہوئے کہا کہ اجلاس میں اسکولوں کوبند کرنے یا نہ کرنےکی 2 مختلف تجاویز سامنے آئی ہیں جنہیں این سی او سی میں پیش کروں گا۔انہوں نے کہا کہ اسٹیرنگ کمیٹی میں اسکولوں کی رمضان ٹائمنگ کے حوالے سے کوئی تجویز نہیں آئی۔

اجلاس میں اسٹیرنگ کمیٹی کے بعض ممبران کی جانب سے یہ موقف بھی اختیار کیا گیا کہ نویں تا بارہویں تک کلاسز جاری رکھی جائیں جب کہ اس موقع پر پرائیوٹ سکولز کے نمائندے نے اعتراض اٹھایا کہ جب مارکیٹیں کھلی ہیں تو اسکول کیوں بند کیے جائیں؟