پی ڈی ایم اندرونی انتشار، بلاول بھٹو نے پارٹی کی سی ای سی کا اجلاس ملتوی کردیا

تفصیلات کے مطابق  :  چیئرمین پیپلز پارٹی بلاول بھٹو زرداری نے پارٹی کی سنٹرل ایگزیکٹو کمیٹی کا اجلاس ملتوی کردیا،۔سید نیئر بخاری کا کہنا ہے کہ  قومی اسمبلی اور سینیٹ کے اجلاس کے باعث ممبران پارلیمنٹ مصروف ہیں، ارکان کی مصروفیت کے باعث اجلاس ملتوی کیا گیا ہے۔

4اپریل کو ہرسال پیپلزپارٹی کی سنٹرل ایگزیکٹو کمیٹی کا اجلاس ایک دیرینہ روایت ہے، کئی دہائیوں کے بعد پہلی بار 4 اپریل کو پی پی سنٹرل ایگزیکٹو کا اجلاس منعقد نہیں کیا جارہا۔ذرائع کے مطابق  اجلاس کے التواء کی وجہ پاکستان ڈیموکرٹیک موومنٹ (پی ڈی ایم )  کا اندرونی انتشار ہے۔

پیپلزپارٹی اعلامیہ کے مطابق  اجلاس قومی اسمبلی اور سینیٹ کے سیشن  میں مصروفیت کی وجہ سے ملتوی کیا گیا، نئی تاریخ کا اعلان بعد میں کیا جائے گا۔

ذرائع کے مطابق  سی ای سی کی وجہ پی ڈی ایم کی پانچ جماعتوں کے خفیہ اجلاس کی وجہ سے ملتوی کیا گیا۔ذرائع کے مطابق پیپلزپارٹی کا موقف ہے کہ  ن لیگ اور جے یو آئی ف سمیت پانچ جماعتوں کا اجلاس پی ڈی ایم کی پیٹھ میں چھرا گھونپا ہے۔

واضح رہے کہ  اجلاس میں پارلیمنٹ سے استعفوں کے حوالے سے فیصلہ کیا جانا تھا۔