ٹی 20ورلڈ کپ : انگلینڈ کا آئرلینڈ ، افغانستان کا نیوزی لینڈ سے مقابلہ آج ہوگا

تفصیلات کے مطابق میگا ایونٹ کے دلچسپ مقابلوں کا سلسلہ آسٹریلیا میں جاری ہےجس میں شائقین کرکٹ کو کانٹے دار مقابلے دیکھنے کو مل رہے ہیں۔ 

 انگلینڈ کا مقابلہ آئرلینڈ سے ہوگا، افغانستان کی ٹیم ان فارم نیوزی لینڈ کے مدمقابل ہو گی ۔  آج کا پہلا میچ پاکستانی وقت کے مطابق صبح 9 بجے میلبورن کرکٹ گراؤنڈ پر کھیلا جائے گا جس میں انگلینڈ اور آئرلینڈ کی ٹیمیں مدمقابل ہوں گی۔ 

یہ دونوں ٹیموں کا دوسرا میچ ہوگا ، اپنے پہلے میچ میں انگلینڈ نے افغانستان کو ہرایا تھا جبکہ آئرلینڈ کو سری لنکا سے شکست ہوئی تھی.

دن کا دوسرا میچ پاکستانی وقت کے مطابق 1 بجے افغانستان اور نیوزی لینڈ کے درمیان ہوگا۔

نیوزی لینڈ کی ٹیم نے اپنے پہلے میچ میں آسٹریلیا کو شکست دی تھی ،  وہ اس وقت ٹیبل پر بہتر رن ریٹ کے سبب پہلے نمبر پر موجود ہے۔

میگا ایونٹ کا پہلا سیمی فائنل میچ 9 نومبرکو سڈنی اور دوسرا سیمی فائنل میچ 10 نومبر کو ایڈیلیڈ میں کھیلا جائے گا جبکہ فائنل میچ 13نومبر کو ایم سی جی میلبورن میں کھیلا جائے گا۔