چین پائیداراقتصادی ترقی کیلئے پاکستان کی حمایت جاری رکھے گا: شی جن پنگ

تفصیلات کے مطابق ان خیالات کا اظہار آج بیجنگ کے عظیم عوامی ہال میں وزیراعظم شہباز شریف سے ملاقات کے دوران کیا۔

 چین کے صدر نے پاکستان میں سیلاب کے بعد امداد اور بحالی کی کوششوں کے لئے پچاس کروڑ یوآن کے اضافی امدادی پیکیج کا اعلان کیا۔ 

دونوں رہنمائوں نے دفاع، تجارت، سرمایہ کاری، زراعت، صحت، تعلیم، ماحول دوست توانائی، سائنس و ٹیکنالوجی اور قدرتی آفات سے نمٹنے کی تیاری سمیت متعدد امور میں تعاون پر تبادلہ خیال کیا۔ 

انہوں نے واضح کیا کہ چین پاکستان اقتصادی راہداری کی اعلی معیار کی ترقی سے دونوں ملکوں کے دوطرفہ تعلقات مزید مستحکم ہوں گے۔

وزیراعظم نے صدر شی جن پنگ کو جلد از جلد پاکستان کا دورہ کرنے کی پرتپاک دعوت بھی دی جسے انہوں نے قبول کرلیا۔