وزیراعظم شہبازشریف کی چینی ہم منصب  لی کی چیانگ سے ملاقات 

تفصیلات کے مطابق وزیرِاعظم محمد شہباز شریف جو چین کے دو روزہ سرکاری دورہ پر ہیں ، نے عظیم عوامی ہال میں اپنے چینی ہم منصب وزیرِاعظم لی کی چیانگ کے ساتھ ملاقات کی ہے ۔ 

ملاقات میں دو طرفہ امور اور باہمی تعاون بڑھانے کے حوالے سے تفصیلی بات چیت ہوئی جبکہ  دونوں رہنمائوں نے چین پاکستان اقتصادی راہداری منصوبوں کی جلد از جلد تکمیل اور سی پیک کو وسعت دینے پراتفاق کیا۔

ملاقات کے بعد چین اور پاکستان کے مابین معاہدوں اور معاہدے پر دستخط بھی کئے  گئے جبکہ گریٹ ہال آف پیپل میں انہیں گارڈ آف آنر بھی پیش کیا گیا۔

واضح رہے کہ اس سے پہلے وزیرِ اعظم شہباز شریف نے چین کے صدر شی جن پنگ سے ملاقات کی ، جس میں سی پیک سمیت کثیر جہتی تعاون بڑھانے اور اسٹریٹجک پارٹنرشپ مزید مضبوط کرنے پر اتفاق کیا گیا۔