جہانگیر ترین سے پی ٹی آئی کے 9 ایم این ایز نے ملاقات کی ہے، عارف حمید بھٹی

جی این این کے پروگرام  " خبر ہے " میں گفتگو کرتے ہوئے  سینئر صحافی و تجزیہ کار عارف حمید بھٹی نے کہا کہ  جہانگیر ترین کے پاس پاکستان تحریک انصاف کے 9 ایم این ایز گئے ہیں ، ان ایم این ایز نے جہانگیر ترین  سے کہا کہ ہم پی ٹی آئی سے علیحدگی کرنے لگے ہیں جس پر جہانگیر ترین نے انہیں روک دیا۔ ایم این ایز نے کہا کہ حکومت آپ کے ساتھ  زیادتی کر رہی ہے ، ہم نے وزیر اعظم عمران خان  سے وقت بھی مانگا ہے کہ کچھ لوگ آپ کو اور جہانگیر ترین  کو لڑا کر پی ٹی آئی کو کمزور کرنا چاہ رہے ہیں ۔

جہانگیر ترین مقدمہ۔۔۔۔تحریک انصاف کے 9 ایم این ایز نے پارٹی چھوڑنے کا فیصلہ کرلیا؟؟ عارف حمید بھٹی کا بڑا انکشاف@arifhameed15 @saeed_qazi @tahirmalikpak @JahangirKTareen @PTIofficial @MediaCellPPP pic.twitter.com/AjV35Ie0yT

— GNN (@gnnhdofficial) April 6, 2021

عارف حمید بھٹی نے پروگرام میں بتایا کہ  ایم این ایز نے  مزید کہا کہ ہم اس پر  پریس کانفرنس کریں گے جس پر  جہانگیر ترین نے انہیں پریس کانفرنس کرنے سے روک دیا ہے ۔جہانگیر ترین نے کہا کہ میرے خلاف جھوٹا پرچہ ہے اس  کا میڈیا ٹرائل  کے علاوہ حقیقت سے کوئی واسطہ نہیں ہے۔